Thursday, May 26, 2005

 

الحب في قلبي ورقة تين


محاولة متواضعة لنظم الشعر بقالب المربع أو فن الواو المعروف بمحافظة قنا


الحب في قلبي ورقة تين
برشومي ولا شوكي مني عارف
الأول حلاوته حلاوتيـن
والتاني بشوكـه قلبي نــازف

Comments:
أهلا كايوس.. واحشتنا يا راجل. بقى الصورة مش عاجباك يا فندم؟! جميزة؟!!!! لم تقل لي ما رأيك في القصيدة/المربع بتاعي؟

طبعا يا كايوس من غير استئذان. الأغنية من اسطوانة "معرفتي فيك" من كلمات "جوزيف حرب" والحان الأسباني "يواخين رودريغو" وغناء ... فيروز.

قل لي أيضا رأيك في مدونتي بعد تحديثها اتش تي ام لياً (ترجمة لكلمة HTMLly) ويا ريت نشوفك في مصر عن قريب..
 
نفس القصيدة اللي انت معلق عليها بدايتها "الحب في قلبي ورقة تين"
 
حلوة قوي يـــا علاء !!! جميلة
 
خد دي يا لول ع الطاير كدة:

وجع الهوى ونّاس
وحبيبي ناسيني
حوشوا ايديكو يا ناس
جلبي مواسيني

أنا أصولي (قناوية) بالمناسبة، وهاهريك لعلمك
 
أولاً انا مش عارفك اشكرك ازاى ...
انت عملت في جميلة لن انساها لك
... بقي أنا يا سيدى بقالى فترة بقابل حاجات كتير أوى من فن الواو و احياناً بتعجبنى لكن المشكلة أنى لم أكن فاهم يعنى ايه فن الواو و ايه الفرق بينه و بين الرباعيات مثلاً
أو تقنيات الشعر الشعبي الأُخرى
و بما أنك محشور في بدلة المثقف - بعيد عنك - غمكنش فيه مسافة أو وقت انى اسألى عن فن الواو .. و كنت في النهاية بكتفى بجهلى و اقول لنفسى
-تاك ات ايزى يا مان ... بكرة الواحد يكبر و يتعلم

لكن انت دون ان تقصد قد كشفت الغطاء عن عينى
 
اول مرة الاقى حد بيتكلم عن فن الواو

بسمعه بس فى برنامج على القناة الثامنة المصرية

كلام.. بقدر البساطة.. بقدر العمق

فكرتنى والله ، بقالى مده مش بسمعهم.. هدور عليهم يارب يكونوا لسه بيعرضوا البرنامج

وشكرا على الإختيار الواوية دى يا علاءالدين
 
رقيقة جدا تلك الكلمات
 
ميرسي اوي يا ديدو... دامت لنا صداقتك.

شاعرنا الكبير: هوا أنت أشعارك كلها "ونس" والا ايه؟ عموما الواد محمد علاء يزعل كده!!!! ربنا يديم عليك الونسة يابوي (معلش يا عمر ما انت جناوي يا وِلْد هههههههههه) دنا بقى اللي هاهريك يا صاحب التجربة (بتعطيش الجيم)!!!

باين اني محشور في "بيجامة" المثقف لان المثقف في بلدك (واعني بالمثقف هنا من يذهب لمعرض الكتاب السنوي في ارض المعارض بمدينة نصر ليشتري الكتب من الأزبكية بدلا ما ياكل شاورمة) لا يملك الفلوس الكافية لشراء البدلة! سواء لبسنا البدلة او البيجامة سعدنا يا ميفستوفوليس (نيك نيم لإبليس) باننا كشفنا الغطاء عن عينيك!

بنت مصرية: رايت تعليقك عند الدكتوراء وسعدت جدا لرؤية المدونة المبذول فيها الجهد. متشكر جدا على كلامك الجميل وربنا يقدرنا ونعمل حاجة كويسة. انا بحب فن الواو وقرأت كتابا كاملا عنه (مذكور في متن المقال). السيرة الهلالية من الكتب المفضلة بالنسبة لي (مذكور في البروفايل). نورت البلوج يا بنت مصرية.

اشكرك يا "خربانة"!!!! صيغة مش طبيعية بالمرة. معلش بس لا اعرف لك اسما غير هذا!!! تسعدني بصتك وطلتك على مدونتي من آن لآخر.
 
Post a Comment

<< Home

This page is powered by Blogger. Isn't yours?