Friday, May 11, 2007

 

من أشعار عبد الله النديم


وبعد فهذا شرح حالة غائـب / عليه من اللطف الخفـي ستور
تدور به الأهوال حول مدارها / فيصبر والقلب الرضيُّ صبــور
عسـى فـرج يأتي به الله إنه / على فرجي دون الأنام قديــــر


عبد الله النديم (1845-1896)


Labels:


Comments:
هييييييييييييه أول واحد يعلق وده أول تعليق ليا أشاساً
والله فيك الخير
ناوى أتكلم عن شعر عبد الله النديم فى بقية مقالى عن بيرم
بمناسبة تعليقك عندى الأخير

والله والله انا كنت مستنى يجيى لى حمى عشان أنشر القصيدة دى والله يسلمك يا بيه
:)
صباحك عسل مصفى
 
اشكرك على الكلمات الجميلة لكن حقيقى محتاجين اكثر من الصبر
 
السهروردى:
أكيد صباحي عسل مصفىّ عشان أول تعليق عندي من نصيبك يا حسين! جميل إنك ناوي تتكلم عن شعر النديم لأن الكتابات (فما بالك بالتدوينات) عنه قليلة جداً ولو عايزني أضع مختازات من "أزجاله" فليس هناك ما يمنع (وألف سلامة عليك تاني يا رفيق).

Sokomonoce

أكيد في ظل "المرح الشديد" اللي إحنا عايشين فيه على رأي العظيم بهاء طاهر، بس لو عرفت الظروف شديدة القسوة اللي عبدالله النديم كتب فيها الكلام دا هاتعرف إننا ف نعمة، ويمكن دا السبب اللي خلاني أفكّر نفسي بكلامه!! ودير بالك ع حالك رفيقي! (طبعاً أنا عارف أنك لابد قد أتقنت اللهجة اللبنانية الآن هههه)
 
ياريت وأبقى يعنى لك عظيم الشكر
لأن المصادر عندى شبه معدومة
وبدل ما أكتب كلمتين صغيرين
أكتب تلاتة كبار
ولا إيه ؟
:)
ولو ينفع تباصيهم عندى على الإيميل يبقى فل قوى قوى عليك يا زعيم
:)
 
يا عمو علاء الليل بعده نهار صحيح بيتاخر لكن اكيد فيه نهار
 
It places fhoto of Madeleine in your bloggue


Missing Madeleine!
Madeleine, MeCann was abduted from Praia da Luz, Portugal on 03/03/07.

If you have any information about her whereabouts, please contact Crimestoppers on 0800555111 Please Help
 
Aladdin, thank you for visiting my blog. Sorrowfully, I cannot understand your language, but I believe you can understand English. So I am answering your question "What do you mean by special?" She is a challanged child, she has Down Syndrome. And yes, this is a great man with a great heart who will fly these children for free.

Nice to meet you.
 
Hi there!

Thank you for your visit!
Yes, I am a musician, I play the flute:)

I don't understand a word in your language! lol
 
اولا عايز اقولك صــــــــــــباح الخير, بالنهار او بالليل متفرقش كتير بس المهم ان الواحد يصحي

كون الشاعر شاهر "نخبه" ام شاعر "شعب" اعتقد انها تقسيمه مش دقيقه
لكن في كل الاحوال (علي وشك يبان يا مضاغ اللبان) فنفس القاعده قابله للتطبيق في مجالات اخري غير"اللبان" ---ده اقتراحي في القضيه يعني


القصيده اللي كنت بكلمك عنهاhttp://hadoota.maktoobblog.com/?post=227938
 
السهروردى: أنا باصيت ليك الايميل في تعليق بالمدونة بتاعتك! يا ريت نتواصل عن النديم وغير النديم يا رفيق!!

koko: كلامك كل حكم يا كوكومونوس!!

karim: صباح الخير (باكتبها الساعة 1:18 بعد منتصف الليل!!)

دايماً يا كريم بتعرف تثير المسائل الخلافية، ويا ريت لو يشترك معانا أعزائنا القراء من محافظتي القاهرة والاسكندرية والأقاليم!!

أولاً، لم تسق الحجج والبراهين على رفض ثنائية شاعر "النخبة" مقابل شاعر "الشعب" (هل هناك شاعر كان يجمع ما بين الاثنين مثلاً؟!) هل لديك تصنيفات أخرى؟

لعلك تتفق معي في أن التصنيفات - أياً كان نوعها - ليست سوى للتحليل أو التشريح (إن جاز التعبير) ولا يمكن أن نجزم بوجودها - بشكلها بعد تشريحها - في عالم الحقيقة.

هناك أسئلة كثيرة نحن بحاجة إليها قبل الإجابة على سؤال إن كان شاعر ما شاعر "نخبة" أو شاعر "شعب".
1) لماذا يكتب الشاعر؟
2) ولم يكتب؟
3) ما هو جمهور القراء "الحقيقي" لهذا الشاهر أو ذاك؟
4) ما هي مكانة ذلك الشاعر في مجتمعه وبين قرائه - الحقيقيين والمحتملين؟
5) كيف يرى الشاعر نفسه مكانته بين أولئك القراء؟

حاول تطبيق هذه الأسئلة وغيرها - إن أردت - على شعر صلاح جاهين وفؤاد حداد من جهة، وشعر أحمد فؤاد نجم وابن عروس مثلاً من جهة أخرى، أو بيرم التونسي وعبدالله النديم.
 
مين اللى بيحدد مين هو شاعر النخبة وشاعر الجماهير
بدون فلسفة وأسئلة كتير
أى كاتب أو فنان أى كان نوعه بيدور على المتلقى
المتلقى فى تعريفى بيبتدى من الدائرة الأصغر اللى هى نفسه إلى دائرة أكبر اللى هى كل من أتطلع على أدبه أو فنه
على الفنان أو الكاتب يعرف هو بيوجه فنه لمين بالظبط وبيخاطب مين بالظبط
وعلى أساسه
فكرة تحليل خطاب أعمال الفنانين بتنشئ من الجمهور اللى اتقدم له أى فن
بمعنى مستحيل حيجيب بايعين الفجل وأقدم لهم فن الأوبرا
يبقى أنا كده فهمت إن هذا فن الأوبرا فن نخبوى لا يتطلع عليه إلا من يفهمون ويقدرون هذا النوع من الفن
وعليه برضه
فنان الأوبرا مش لازم يلوم بايعين الفجل على إنهم مش بيسمعه فنه بإعتبارهم جهلة أو غيرها من المسميات
لأن أساسا الفن لا يخاطبهم ولا بيخاطب مشاكلهم ولا حياتهم اليومية
بمعنى أصح الفنان ده أختار المتلقى الخطأ
طيب سيبك من فنان الأوبرا وأمسك فى بايعين الفجل
هما عايزين مين؟
أول شئ يكون واحد منهم زيهم أقرب إليهم فى أشياء كتير
ثانيا خطابه لا يكون فوقى وعظى لأن الفن مش دين أوعظ بيه الناس
ومع إن فى منظرين بيقولولك إن الوعظ هو ما يناسب عقول بايعين الفجل اللى معندهاش مخ ولا وقت لتحليل مفاهيم ورموز
مثال على ذلك : خطبة محمد سعد فى نهاية أى فيلم بيعمله عن اللى مفروض يتعمل واللى مايتعملش
إلا إنى بأعارض الرأى ده لأسباب كتير لا مجال لذكرها هنا

وعشان كده نظرية كل إناء ينضح بما فيه أو ما يسمى بمضاغ اللبان فى الفن نظرية غير صحيحة نسبياً والمثال على كده حبس سيد درويش لفترات طويلة فى وسط النخبة نقله من فنان للشعب للفنان نخبة يتكلم بلسان الشعب
 
اختيار موفق يا علاء...النهار بيجي بعد اليل..وحتى لو مش بيجي يعني الواحد لازم يقنع نفسه بكده :)

تحياتي
 
This comment has been removed by the author.
 
الفن احساس و تعبير

يتحدد احساس الفنان علي حسب افكاره و ميوله و دوافعه و شخصيته و الظروف المحيطه به

فتكون هناك مواضيع يهتم بها و يهتم بالمشاركه فيها بينما لا تسترعي امور اخري ادني اهتمام منه,و يستدعي ذلك انه يشعر بأمور قد تهم مجموعه من الناس دون مجموعات اخري, وقد تكون هناك موضوعات تسترعي اهتمام مجموعات متعدده من غير المعتاد اتفاقهم بشأن امور اخري



و لإيصال هذا الاحساس الداخلي , يجب صياغته في اسلوب يحاول قدر الامكان تذليل صعوبات الاستيعاب للمعني المراد ايصاله, لكل متلقي لهذا العمل و ذلك عن طريق استخدام اكثر الوسائل قربا الي ذهن المتلقي, و تجنب استخدام الشاذ من هذه الوسائل علي المتلقي, و

هنا من الممكن ظهور مشكله التباين الواضح بين مختلف انماط المتلقين و اختلاف اهتمامتهم و افكارهم و ثقافنهم فيلجأ الفنان (رغم شبه استحاله الجمع بين كل المتلقين علي اختلافهم) الي محاوله استخدام الوسائل المتاحه له لتطويع الفكره و مزجها بالادوات المتاحه له لتوصيلها بأوضح صوره الي مختلف المتلقين.


ففي مجال الشعر مثلا . . . تكون شخصيه الشاعر (بما تتضمنه من تراث حضاري, و ثقافي , و تجارب حياتيه) هي اللبنه الاولي للعمل الفني, فعلي اثاث ذلك ينجذب الشاعر الي مجال او موضوع بعينه اكثر من غيره او علي الاقل مجموعه من المواضيع ذات جانب مشترك او متشابه يجذب القارئ , و من ثم تكون مرحله بناء القصيده(علي سبيل المثال) -فبحسب شخصيه الشاعر تتحدد لغه العمل و ايضا علي حسب المتلقي الذي يرغب في ايصال المعني اليه- و تكون هناك ايضا مرحله بناء القصيده من حيث الصور الجماليه و الصياغه........الخ


و اني افرق بين مختلف مراحل بناء العمل لأنها هي التي تمثل العمل انتماء العمل (من حيث التوجيه) الي طبقه معينه دون اخري. فليس مثلا استخدام اللغه العربي (الفصحي) دون اللهجه العاميه المصريه دليلا علي توجيه العمل الي طبقه "المثقفين" حصريا, فعلي سبيل المثال ان اعمال
(أمل دنقل) اسهل في الوصول اليها من حيث المعني من اشعار"أدونيس".

اعتقد ان موضوع العمل له اثر لا ينكر في تحديد المتلقين, ف "رباعيات الخيام" مثلا و " رباعيات صلاح جاهين" رغم الفارق الواضح بين الاتنين. . . إلا أن لهم طبيعه فلسفيه اكثر منها واقعيه.
بعكس "مربعات ابن عروس"ز


فمن الصعب "نسبيا" وجود شاعر ( بيرم و النديم) قادر علي الجمع بين مختلف طبقات المتلقين. لكن بالنسبه لفؤاد حداد و صلاح جاهين اعتقد انهم استطاعوا "إراديا" ان يحققوا ذلك. اما "نجم" اعتقد انه يختلف عنهم و ذلك لأنه يتكلم بلسان المواطن المصري (البسيط الي ابعد حدود), بخلاف ابن عروس الذي يضع القواعد التي تمكن من التعامل مع الدنيا و مع مختلف انماط الناس. . الخ و هو لا يستخدم اي اسلوب ادبي يحتاج جهد للوصول الي فحواه بل علي خلاف ذلك . . . فقد تحول العديد من المربعات الي امثال شعبيه.......( او ربما العكس-لا اعرف صراحه-)



اعتقد ان "علي و شك يبان يا مضاغ البان" لا تكافء " كل إناء ينضح بما فيه" و ذلا لو جود حركه صادره من العنصر البشري في الاولي و انتفاءه في الثانيه. فمن مزايا الانسان-و هو ما كفل بقاء الانسان وسط الطبيعه القاسيه في العصور البائده- هي قدرته العاليه علي التأقلم مع اي جديد يطرأ. . . و هو ما لا يتحقق في الجمله الثانيه إلا إذا كنت تقصد الاواني المستطرقه, لذا اعتقد انه قد اسي (osee2)
فهم مقصدي.
 
ارجو ان اكون قد نجحت في الكتابه بأسلوب يعتم علي القارئ و يصعب عليه الفهم

والله ولي التوفيق
وسلملي علي الترماي
 
يا حاج كريم
أنا مش مختلف معاك بتاتا وأبدا ونهائيا
كلامك على عينى وعلى راسى

أنا كل كلامى عن الفن الجماهيرى أشاسا
وبأقول إن الجماهير هى اللى بتحدد فنان النخبة من فنانها
وبالنسبة لى طظ فى الفنان الفرد والمثقف الفرد وأى شئ يخصهما
والمجد للجماهير البائسة فى العالم البائس
:)
رأيك جميل وعلى عينى وراسى وكل شئ بس حديث حضرتك مش بيوصلنى للفكرة اللى أنا كنت ولسه بأقولها
إحنا مش متعارضين ولا متضادين ولا إحنا مختلفين أشاسا ولا أى شئ بس هو ترتيب للأوليات الحديث
:)
وأرجع لكلامك الأولانى
"كون الشاعر شاهر "نخبه" ام شاعر "شعب" اعتقد انها تقسيمه مش دقيقه"
ده صحيح بس لما تحدد لى أنهى نخبة أنهى شعب
أقصد أن النخب نفسها منقسمة على نفسها
بين نخب مثقفة إجتماعيا ونخب ثرية إقتصاديا
والشعب كذلك ليس كتلة واحدة
فى طبقات إجتماعية وإقتصادية بتفرق المتلقين لأى نوع من الفن عن بعضهم
حتى انا لما باتكلم عن الجماهير فأنا باتكلم عن مجموعة من الشرائح داخل الطبقة المتوسطة وليس كلها
وعن مجموعة أخرى من الشرائح داخل الطبقة الفقيرة وليس كلها
وحتى كلا الفريقين بيفضلوا أنواع على أنواع من الفن ممكن يفضلها الفريق
التانى
شفت إزاى يا حاج المسألة معقدة؟
:)
عموما أنا حاسس إنى باتكلم فى وادى وحضرتك بتتكلم فى وادى آخر وده ملاحظ من أول ردى على حضرتك وردك عليا أنا وعلاء
والسلام ختام وسلامك وصل للترماى على فكرة وهو بيبعت لك التحيات برضه
:)
 
يا استاذنا "السهروردي"باشا
, انا مش مختلف مع سعادتك اختلاف جوهري. . لكن زي ما تفضلت و ابتديت كلامك بأن الشاعر بيدور علي المتلقي. . لكن قبل كده بيكون في مرحله احساسه و تأثره هو نفسه
بمعني انه مش بيكتب بس عشان الجماهير اللي عو ز كلامه يوصلهم. . هو نفسه في حاجات بيحس بيها و بعوز يعبر عنها و اعتقد انه (إلا إذا كان شاعر مناسبات بألاجره يعني) بيكون حاسس بمشاكل و اهتمامات طبقة معينه فبيحاول استخدام اللغه و الصياغه و التعبيرات اللي تو صلهم بسلاسه. . صحيح انه بيكون في متلقين من طبقات تانيه لكنه بيكون في الاصل ناوي ان كلامه يوصل لناس معينه, و الجماهير هي الحكم وهو ده المعيار لتصنيف الشعر .....
و افصد بالجماهير الجماهير اللي الشاعر او المبدع (ان جاز التعبير) بيخاطبهم علي طول الخط وبيكون بيتوجهه ليهم علي طول الخط

لكن طبعا المثقف الفرد ده خليه مع نفسه احسن. .
اعتقد ان الشاعر او اي فنان او مبدع مينفعش يبقي منعزل تماما عن الناس – اقصد عموم الناس بمشاكلهم و همومهم و جراحهم و افراحهو و ثقافتهو و اهتمامتهم – لأنه كده يبقي بيطلع البرج و يقفل علي نفسه و يتفرج علي الناس من ورا الزجاج و يكلمهم عن مواضيع تعتبر رفاهيه أو غير ذات اهميه او جدوي بالنسبه ليهم .
بمعني ان الفن لا يجب ان ينفصل بصفه نهائيه عن مجريات الامور
و ذلك لا يمنع ايضا انه في انواع من الفنون تكاد تكون محصوره علي بعض النخب حـــصــريا.
و طبيعي (يا علاء)احتمال توافر" الديماجوجيا" في مثل هذه الحالات


وتحياتي القلبيه لحضرتك يا (السهروردي) باشا. . .و شكرا علي اهتمامك بالرد
وتحياتي القلبيه





ثم ان الوديان و النهار و الكهوف في اراضي الله الواسعه. . .و كل الطرق تؤدي الي روما . . .الكلام ده طبعا لو اخدت الترماي

و نعلمكم ان عباس دخل الجيش اما زينب
و اخواتها فعال العال و سلامي للحاجه ام محمود
سافروووووووووت
 
Post a Comment

<< Home

This page is powered by Blogger. Isn't yours?