Wednesday, March 28, 2007

 

ايه يا بلاد يا غريبة


إيه يا بلاد يا غريبة
عدوة ولا حبيبة
ف الليل تصحي عيونك
ونجومك مش قريبة
بلاد معرفش ناسها
ولا عارفاني بيبانها
وماليش شبر فى أساسها
ولا طوبة فى حيطانها
وخطاويا غريبة
عالم رايحة وجاية
وأنا مين وفين مكانى
وإيه آخر الحكاية
وإيه اللى رمانى
ياخطاويا الغريبة
دنيا ولا متاهة
دايرة و بندور وراها
فى صبحها ومساها
آهه وراها آهه
يا خطاوية الغريبة

غناء محمد منير - "علموني عنيكي" (1977)

Labels:


# posted by Aladdin @ 1:58 PM
Comments:
اه يا بلاد غريبه و ناس بتغربنا

فى الجون يا علاء
# posted by Blogger Dananeer : 4:41 PM
 
جاى عالجرح :(
# posted by Blogger Just Me : 4:57 AM
 
جامد يابنى فى اختيارك

ايوة كدة

حد يطلع دفاتر منير القديمة
# posted by Blogger الوردة السوداء : 5:09 AM
 
تفتكر لو رجع الزمن منير هيقول ايه دلوقت زمان

غريبة دى؟ مش مفهومه؟
يعنى لو منير زمان بقى دلوقت هيقول ايه؟
كدة احسن؟
# posted by Blogger 3aziz 3eni : 4:22 AM
 
دنانير: بس جون "مؤلم"!

جست مي: عارف!!

الوردة السوداء: لأ ولسه!!

العزيز سوكو: ما أكدبش عليك لو قلت إن فاهم كل كلمة أنت قلتها، بس اللي أنا عايز أقوله إن حسيت إن منير في - الأغنية دي - عبّر عني بشدة! رغم أنها كانت مكتوبة واتغنت سنة 1977!! الفكرة بقى أن الاحداث السياسية والاجتماعية والاقتصادية اللي مرت بمصر والمصريين وقتها خلت الشعراء وكتاب الأغاني يكتبوا كدا، فما أشبه الليلة وبالبارحة!!
# posted by Blogger Aladdin : 10:04 AM
 
ايه ده ؟
ايه الاغانى الغريبة دى ؟
فى حد لسه بيسمع الاغانى دى برده ؟
;)
# posted by Anonymous Anonymous : 5:43 AM
 
أيوة لسه!! الظروف حكمت بقى!! وبعدين فيه واحدة صاحبتنا كانت عمالة تسمع فيها ليل نهار (سمايلي)

منير هايفضل منير رغم كيد الكائدين!!
# posted by Blogger Aladdin : 6:28 AM
 
"منير هايفضل منير رغم كيد الكائدين"

هستخدم الاقتباس ده عنك كتعليق.. مش كسل، بس لإني مقتنع بيه جدا
انا بحب محمد منير عشان مش مغني إمعة

:)
# posted by Blogger abderrahman : 1:51 AM
 
واه من البلاد الغريبه
وغربة الوشوش القريبه

ومن حيث ان
"منير هايفضل منير رغم كيد الكائدين"

اتضامن بشده
# posted by Blogger monBYH : 9:37 AM
 
اختيار موفق
# posted by Blogger كراكيب نـهـى مـحمود : 4:19 PM
 
Hello, Allhadin!
Thnaks for you work and have a good weekend.
# posted by Blogger david santos : 1:34 PM
 
فعلا حلوة
# posted by Anonymous Anonymous : 9:51 AM
 
حلوة جدا

مش الاغنيه بس
المدونه كلها

تحياتي
# posted by Blogger sara : 5:32 PM
 
عبد باشا: دا حقيقي!!

سردية: ليه يا سردية؟!

monbyh: كلنا إيد واحدة يا مونمون!!

كراكيب: كل يوم من دا!

david santos: غيّر بقى!!


نبيذ: حلوة بس مرة (بتشديد الراء عشان محدش يفهمني غلط)!!

none: كلك ذوق يا ذوق!!
# posted by Blogger Aladdin : 1:50 PM
 
مسكينه حبيبتي السمرا
دي اميره و طاهره و صابره
دوامه الدنيا خدتني
و رجعت اقول ياماي
يماي يماي يماي


يماي يماي يماي
انا راجع زي زمان
طفل في عينه الاحزان
غلطان انا في العنوان؟


رحت بعيون عطشانين
التقي نبع الحنين
ياما دقيت عالبيبان
بس مين يسأل في مين؟


سامحيني حبيبتي يا سمرا
و اغسليني بطهرك يما
دي الحقيقه عيو نك انتي
انتي يا امي و حبيبتي
يماي يماي يماي

يماي اماي اماي
كل دار تفتحلنا
نلقي قلب يصدنا
دي الحياه يما هنا
طير غناه في دمنا

سامحيني حبيبتي يا سمرا
و اغسليني بطهرك يما
دي الحقيقه عيونك انتي
انتي يا امي و حبيبتي
اماي اماي اماي
# posted by Blogger Unknown : 2:17 PM
 
رحت بعيون عطشانين
التقي نبع الحنين
ياما دقيت عالبيبان
بس مين يسأل في مين؟؟؟؟؟؟؟
# posted by Blogger intelligentediot : 8:22 AM
 
Post a Comment

<< Home

This page is powered by Blogger. Isn't yours?