Wednesday, March 28, 2007

 

ايه يا بلاد يا غريبة


إيه يا بلاد يا غريبة
عدوة ولا حبيبة
ف الليل تصحي عيونك
ونجومك مش قريبة
بلاد معرفش ناسها
ولا عارفاني بيبانها
وماليش شبر فى أساسها
ولا طوبة فى حيطانها
وخطاويا غريبة
عالم رايحة وجاية
وأنا مين وفين مكانى
وإيه آخر الحكاية
وإيه اللى رمانى
ياخطاويا الغريبة
دنيا ولا متاهة
دايرة و بندور وراها
فى صبحها ومساها
آهه وراها آهه
يا خطاوية الغريبة

غناء محمد منير - "علموني عنيكي" (1977)

Labels:


Comments:
اه يا بلاد غريبه و ناس بتغربنا

فى الجون يا علاء
 
جاى عالجرح :(
 
جامد يابنى فى اختيارك

ايوة كدة

حد يطلع دفاتر منير القديمة
 
تفتكر لو رجع الزمن منير هيقول ايه دلوقت زمان

غريبة دى؟ مش مفهومه؟
يعنى لو منير زمان بقى دلوقت هيقول ايه؟
كدة احسن؟
 
دنانير: بس جون "مؤلم"!

جست مي: عارف!!

الوردة السوداء: لأ ولسه!!

العزيز سوكو: ما أكدبش عليك لو قلت إن فاهم كل كلمة أنت قلتها، بس اللي أنا عايز أقوله إن حسيت إن منير في - الأغنية دي - عبّر عني بشدة! رغم أنها كانت مكتوبة واتغنت سنة 1977!! الفكرة بقى أن الاحداث السياسية والاجتماعية والاقتصادية اللي مرت بمصر والمصريين وقتها خلت الشعراء وكتاب الأغاني يكتبوا كدا، فما أشبه الليلة وبالبارحة!!
 
ايه ده ؟
ايه الاغانى الغريبة دى ؟
فى حد لسه بيسمع الاغانى دى برده ؟
;)
 
أيوة لسه!! الظروف حكمت بقى!! وبعدين فيه واحدة صاحبتنا كانت عمالة تسمع فيها ليل نهار (سمايلي)

منير هايفضل منير رغم كيد الكائدين!!
 
"منير هايفضل منير رغم كيد الكائدين"

هستخدم الاقتباس ده عنك كتعليق.. مش كسل، بس لإني مقتنع بيه جدا
انا بحب محمد منير عشان مش مغني إمعة

:)
 
واه من البلاد الغريبه
وغربة الوشوش القريبه

ومن حيث ان
"منير هايفضل منير رغم كيد الكائدين"

اتضامن بشده
 
اختيار موفق
 
Hello, Allhadin!
Thnaks for you work and have a good weekend.
 
فعلا حلوة
 
حلوة جدا

مش الاغنيه بس
المدونه كلها

تحياتي
 
عبد باشا: دا حقيقي!!

سردية: ليه يا سردية؟!

monbyh: كلنا إيد واحدة يا مونمون!!

كراكيب: كل يوم من دا!

david santos: غيّر بقى!!


نبيذ: حلوة بس مرة (بتشديد الراء عشان محدش يفهمني غلط)!!

none: كلك ذوق يا ذوق!!
 
مسكينه حبيبتي السمرا
دي اميره و طاهره و صابره
دوامه الدنيا خدتني
و رجعت اقول ياماي
يماي يماي يماي


يماي يماي يماي
انا راجع زي زمان
طفل في عينه الاحزان
غلطان انا في العنوان؟


رحت بعيون عطشانين
التقي نبع الحنين
ياما دقيت عالبيبان
بس مين يسأل في مين؟


سامحيني حبيبتي يا سمرا
و اغسليني بطهرك يما
دي الحقيقه عيو نك انتي
انتي يا امي و حبيبتي
يماي يماي يماي

يماي اماي اماي
كل دار تفتحلنا
نلقي قلب يصدنا
دي الحياه يما هنا
طير غناه في دمنا

سامحيني حبيبتي يا سمرا
و اغسليني بطهرك يما
دي الحقيقه عيونك انتي
انتي يا امي و حبيبتي
اماي اماي اماي
 
رحت بعيون عطشانين
التقي نبع الحنين
ياما دقيت عالبيبان
بس مين يسأل في مين؟؟؟؟؟؟؟
 
Post a Comment

<< Home

This page is powered by Blogger. Isn't yours?